उदयपुर । उदयपुरको बेलका नगरपालिका नगर कार्यपालिकाको कार्यालय रामपुरले आर्थिक वर्ष २०७७/७८ को वार्षिक प्रगति समिक्षा तथा तृतीय चौमासिक सार्वजनिक सुनुवाई कार्यक्रम गरेको छ ।
शुक्रबार नगरको सभाहलमा भएको सार्वजनिक सुनुवाईमा आर्थिक प्रशासन शाखा, कृषि विकास शाखा, स्वास्थ शाखा, प्रधानमन्त्री रोजगार कार्यक्रम शाखा, न्यायिक समिति, महिला तथा बालबालिका शाखा, सामाजिक विकास शाखा, पशुपन्छी तथा म.किास शाखा, शिक्षा युवा तथा खेलकुद शाखा , राष्ट्रिय परिचयपत्र तथा पन्जिकरण शाखा , भुमी इकाई शाखा, महिला सुरक्षाबास तथा मनोबिमर्श सेवाले आफ्नो वार्षिक प्रगति प्रतिवेदन समेत प्रस्तुत गरेका थिए ।
आर्थिक प्रशासन शाखाले वार्षिक आय ब्यय समेत प्रस्तुत गरेका छ । जसमा संघीय सरकार प्रदेश सरकार आन्तरिक स्रोत गरि कुल वास्तविक आय ६३ करोड ६० लाख ३ सय ८३ रुपैयाँ रहेको छ ।
जसमा चालू वर्ष ४५ करोड ३० लाख ८६ हजार ९६ रुपैयाँ रहेकोमा खर्च तर्फ ३८ करोड ७८ लाख ७६ हजार ९ सय ६ रुपैया गरि कुल खर्च ८६ प्रतिशत भएको छ । पुँजिगत खर्चमा २७ करोड ५६ लाख २६ हजार ५० रुपैयाँ रहेको र खर्चतर्फ २० करोड ९७ लाख २ हजार ३ सय ७५ रुपैयाँ गरि कुल ७६ प्रतिशत खर्च भएको लेखा अधिकृत जगदीश पराजुलीले बताए । जसमा वार्षिक बिनियोजन बजेट ७२ करोड ८७ लाख १२ हजार १ सय ४६ रुपैयाँ रहेकोमा खर्च तर्फ ५९ करोड ७५ लाख ७९ हजार २ सय ८१ रुपैयाँ खर्च भएको छ भने कुल बजेटको ८२ प्रतिशत खर्च भएको पराजुलीले बताए ।
सबै शाखाका प्रमुख हरुले आफ्नो शाखाले गरे गतिविधि समेत प्रस्तुत गरेका थिए । तृतीय चौमासिक सार्वजनिक सुनुवाईमा बेलका जनताहरुले नगर प्रमुख र प्रमुख प्रशाकृय अधिकृतलाई नगरवासीहरुले मनमा लागेका प्रश्नहरु राखेका थिए । उक्त प्रश्नहरुको उतर मेयर दुर्गा कुमार थापा र अधिकृत अर्जुन निरौलाले दिएका थिए ।
