सुनसरी । सहकारी प्रशिक्षालय प्रदेश नं. १ इनरुवा सुनसरीको आयोजनामा ६ दिने अभिलेख व्यवस्थापन, पल्र्स अनुगमन तथा व्यवसायिक योजना निमार्ण तालिम मंगलबार इनरुवामा सम्पन्न भएको छ ।
पुस १५ गते सुरु भएको तालिममा प्रदेश नं.१ का ताप्लेजुङ्ग, खोटाङ्ग, धनकुटा, भोजपुर, झापा मोरङ्ग र सुनसरीका ९ जना र ११ पुरुष गरी २० जनाको सहभागिता रहेको तालिम प्रशिक्षक नरेन्द्र पराजुलीले जानकारी दिए ।
तालिममा १० वटा बचत तथा ऋण सहकारी, २ वटा बहुउद्देश्य, ६ वटा कृषि सहकारी, झापाको हाम्रो स्वावलम्बी सामाजिक उद्यमी सहकारी संस्था र धनकुटाको शिक्षक हित साकोस सहित २० वटा सहकारी संस्थाको सहभागिता रहेको थियो ।
व्यवस्थापक, लेखा समिति र सञ्चालकहरुको सहभागिता रहेको तालिमको सहजिकरण प्रशिक्षक नरेन्द्र पराजुली र एकनाथ दाहालले गरेका थिए । ताालिममा सहकारीको अवधारणा र विकास, बचत तथा ऋण व्यवस्थापन, पल्र्स अनुगमन प्रणाली, पाराविन्दु विश्लेषण र सहकारीमा व्यवसायिक योजना निमार्ण बारे शैद्धान्तिक र प्रयोगत्मक अभ्यास गराएको सहभागी मोहन लामिछानेले बताए ।
समापन कार्यक्रममा बोल्दै सहभागी हिमा देवि निरौला, रामेश्वर सापकोट, गंगाराम खत्वे, सुमन सन राई , बिमला लिम्बुले तालिमले अभिलेख व्यवस्थापन र पल्र्स अनुगमन तथा व्यवसायिक योजना निमार्ण र सञ्चालन गर्न ठूलो सहयोग पुग्ने बताए ।
