सुनसरी । नेपालका प्रतिष्ठित कलाकार तथा हास्यव्यङ्गका नायकका रुपमा परिचित कलाकार सन्दिप क्षेत्री, नायिका सम्राज्ञी राज्य लक्ष्मी शाह तथा नायक पुष्प खड्काको अभिनय रहेको नेपाली कथानक चलचित्र तिम्रो मेरो साथ को पत्रकार सम्मेलन आज शुक्रबार इटहरीमा सम्पन्न भएको छ ।
रमेश एम.के. पौडेलको निर्माण तथा निर्देशनमा बनेको उक्त फिलिमा नेपाली आम युवाहरुको रोजाइमा आधारीत पारिवारीक पृष्ठभुमिको साथमा माया प्रेम सम्बन्ध लगायत सम्पूर्ण कम्बो प्याकेज सहितको फिल्म निर्माण भएको निर्माण टिमले जनाएको छ ।
पूर्वाञ्चल इन्स्टिच्युट अफ फिल्म एण्ड टेलिभिजन इटहरीमा भएको पत्रकार सम्मेलनमा फिल्मकाे ट्रेलर सार्वजनिक गरिएको थियो ।
कार्यक्रममा इटहरी भित्र रहेका पत्रकारहरुको बाक्लै उपस्थिति रहेको थियो । कार्यक्रममा बोल्दै नायिका शाहले आफुले दर्शकहरुको माया र सदभाव सदैव प्रप्त गर्दै आजको समयसम्म रहेको र आगामी दिनमा पनि यस्तै साथ सहयोग र मायाको अपेक्षा गरेको बताइन् ।
पुस २९ गते शुक्रबारका दिन अल नेपाल रिलिजको तयारीमा रहेको तिम्रो मेरो साथ चलचित्रलाई आम नेपाली चलचित्र प्रेमिहरुले मनपराउने चलचित्रका कलाकार पुष्प खड्काले जानकारी दिए ।
मन्तब्यका क्रममा आफुले दर्शकहरुको माग अनुसारको माया, प्रेम, सम्बन्ध, मनोरञ्जन लगायतको समिश्रण रहेको तिम्रो मेरो साथ चलचित्रलाई दर्शकले भिन्न पात्रका रुपमा रहेको आफ्नो अभिनय रहेको फिलिमलाई मनपराउने आफुले आशा र विश्वास लिएको फिलिमका मुख्य कलाकार सन्दिप क्षेत्रीले बताए ।
मन्तब्यक क्रममा चलचित्रका निर्माता, निर्देशक तथा गीतकार समेत रहेका रमेश एम.के. पौडेलले चलचित्रलाई सोचेको भन्दा छोटो समयमा समापन गर्न सफल भएको र चलचित्रमा अभिनय गर्ने कलाकारहरुको साथ सहयोग भरपुर रुपमा पाउन सफल भएको बताए ।
साथै चलचित्रमा देखिएका कलाकारहरु फरक पात्रमा रहेकाले उत्कृष्ट अभिनयका साथ चलचित्रको छाँयङ्कन समापन पश्चात सार्वजनिक भएको टेलर र चलचित्रमा समावेश गरिएका गीतहरुलाई दर्शक श्रोताहरुले मनपराएको र फिल्म पनि मनपराउने आशा लिएको बताए ।
निर्देशकको रुपमा यो उनको पहिलो (डेब्यु) फिल्म हो । पहिलो कोभिड महामारी पछि चलचित्रको छायांकन गरिएको थियो । निर्देशकको जन्मदिनको अवसरमा नेपालका सिनेमा हलहरुमा एकसाथ चलचित्र प्रदर्शनको तयारीमा रहेको छ ।
सार्वजनिक गरिएको फिलिमकाे टेलर :-
