जातीय विभेद तथा अन्तरजातीय प्रेमको कथामा निर्माण भएको छोटो चलचित्र ‘तिरस्कार’ सार्वजनिक गरिएको छ । सुरज राईले निर्माण गरेको छोटो चलचित्र ‘तिरस्कार’को कथा पत्रकार सुविन विश्वकर्माले लेखेका हुन् ।
चलचित्रमा अन्तरजातीय प्रेममा आइपर्ने चुनौती तथा समाजमा हुने जातीय विभेदले निम्त्याएको पीडालाई प्रस्तुत गरिएको छ । चलचित्रको निर्देशन पनि सुविन विश्वकर्माले नै गरेका हुन् ।
चलचित्रमा मेनुका प्रधान, पल्लवी परियार, मिलन विश्वकर्मा, अवियोग राई, छबिना मगर, गणेश राउत, विक्रम कर्णकाे मूख्य भूमिका छ । त्यसैगरी रोहिता भट्टराई, सुरक्षा कार्की, ललिता प्रधान, बिनोद रसाइली ‘जुरेली’, लक्ष्मण खनाल, सुरेश कार्कीढोली लगायतका कलाकारको मूख्य भूमिका रहेको छ ।
राकेश राईको छायांकनमा निर्माण भएको छोटो चलचित्र ‘तिरस्कार’को सम्पादन एडम लिम्बुले गरेका हुन् । चलचित्र सदाबहार मिडिया प्रालिको ब्यानरमा निर्माण भएको हो । नौलो प्रस्तुति दिन रुचाउने मिडिया प्रालिले आगामी दिनहरुमा समेत भिन्न कार्य गर्ने अध्यक्ष तथा प्रधानसम्पादक बिजय राउतको भनाई छ ।
यस चलचित्रमा अन्तरजातीय प्रेममा आइपर्ने चुनौती तथा उपायको बारेमा देखाउन खोजिएको लेखक तथा निर्देशक विश्वकर्मा बताउँछन् ।
