रामधुनी । गायक रामकृष्ण ढकाल र गायिका मेलिना राईको स्वर रहेको नयाँ गीत ‘सुनसरी इनरुवा’ को भिडियो सार्वजनिक भएको छ ।
उमेश रेग्मीको शब्द तथा संगीत रहेको गीतमा सुनसरीको सदरमुकाम इनरुवा आसपासका विभिन्न धार्मिक तथा पर्यटकीय स्थलहरूको वर्णनसँगै माया–प्रेमका भावना व्यक्त गरिएको छ ।
गीतको भिडियोमा गायक ढकाल र मोडल रिमा विश्वकर्मा फिचर्ड छन् । युवराज वाइवाको निर्देशन रहेको भिडियोमा निलास पौडेलको छायाँकन, विकास दाहालको सम्पादन छ ।
इनरुवा, इनरुवा आसपासका क्षेत्र, रामधुनी मन्दिरलगायतका स्थानमा छायाँकन गरिएको छ ।
