रामधुनी । थारु समुदाय भाषा, संस्कृति र संस्कारमा निकै धनी मानिन्छ । चाडपर्व र रितिरीतिरिवाजमा पूर्ण छ । थारुको गीत र संगीतलाई गहनाको रुपमा पहिचान दिएको छ । केही वर्ष अघि पौराणिक चाचैर विरहैन लगायत पाराति गीतहरु मुखले र अडियोमा मात्रै सुन्न पाइन्थ्यो तर अहिले समय बदलिएको छ । थारु गीत र संगीतलाई पनि युटुब लगायत समाजिक संञ्जालमा सुन्नसहित भिडियो मार्फत मज्जाले हेर्न पनि पाइन्छ ।
नयाँ युवा पुस्ताको प्रयासले थारु गीत र संगीत कोल्टे फेर्दैछ । थारु समुदायको सबभन्दा महान पर्व जितियाको ‘हे जितिया महान’बोलको थारु गीत शुक्रबार सार्वजनिक भएको छ । थुप्रै थारु र मैथिली चर्चित गीतहरुमा स्वर दिएका उदयमान थारु गायक सुनिल चौधरीको स्वर र संगीत रहेको छ भने गायिका तर्फबाट अनुमा चौधरीले साथ दिएकी छन् । गीतमा शब्द भने नवीन चौधरीको रहेको छ भने एरेन्ज गणेश चौधरी गरेका हुन् ।
थारु, नेपाली लगायत भोजपुरीका थुप्रै चर्चित गीतहरुलाई निर्देशन गरिसकेका जनक चौधरीले यस गीतमा पनि निर्देशन गरेका छन् । पौराणिक पर्वका थारु गीत र संगीत जीवन्त रहोस र अहिलेका युवा पुस्ताले आफनो संस्कृति, संस्कार र परम्परालाई निरन्तरता दिउन् भनि यो म्युजिक भिडियो निमार्ण गरेको चौधरीले जानकारी दिए छन् ।
भिडियोलाई छायाँकन रविन चौधरीको रहेको छ । भिडियोमा थारु कलाकारहरु सविता चौधरी र गोविन्द चौधरी, पाण्डप चौधरी, रामरी चौधरी, प्रदिप चौधरी, आशिश चौधरी लगायत चर्चित तथा स्थापित कलाकार जानकी चौधरीको समेत अभिनय देख्न सकिन्छ । थारु चलचित्र सांस्कृतिक संघ सुनसरीको प्रस्तुतिमा तयार गरिएको सो भिडियोलाई टिएफसिए नेपालले युटुव च्यानल मार्फत सार्वजनिक गरिएको हो ।
