बराहक्षेत्र । सुनसरीको बराहक्षेत्र नगरपालिकामा नेकपा एमाले र जनता समाजवादी पार्टी नेपालका प्रभावशाली नेतासहित एक दर्जन नेता, कार्यकर्ता नेपाली कांग्रेसमा प्रवेश गरेका छन् ।
बराहक्षेत्र १ चतरा स्थित बोलबम धर्मशालामा सम्पन्न कार्यक्रममा बराहक्षेत्र २ का नेकपा एमालेका बराहक्षेत्रका अग्रज नेता चिरञ्जीवी प्याकुरेल, बराहक्षेत्र १ का जसपा नेपालका जिल्ला सदस्य दिनेश खम्बुसहित स्थानीय बराहक्षेत्र २ का एमाले कार्यक्रता एवम् युवा संघका सदस्य मदन कोईरला, फडिन्द्र गौतम, दिनेश न्यौपाने, नारद खतिवडा बराहक्षेत्र १ का व्यवसायी ईशवर गुरुङ्गसहित १ दर्शन युवाहरु कांग्रेसमा प्रवेश गरेको नेपाली कांग्रेस नगर सभापति नारायण नेपालले बताए ।
शुक्रबार आयोजित कार्यक्रर्ता भेटघाट कार्यक्रममा नव प्रवेसीहरुलाई नेपाल सरकारका कानुन, न्यान तथा संसदिय मामिला मन्त्री एवम् नेपाली कांग्रेसका केन्द्रीय प्रभावशाली नेता ज्ञानेन्द्र बहादुर कार्कीले अविर तथा खादा लगाएर प्रवेश तथा स्वागत गरेका थिए ।
