बराहक्षेत्र । सुनसरीको बराहक्षेत्र ६ मा रहेको जनहित क्लबको अध्यक्षमा पुनः लक्ष्मी प्रसाद गड्तौला चयन भएका छन् । शनिबार संस्थाको सभाहलमा आयोजित २२ औं वार्षिक साधाराण सभाले आगामी २ वर्षका लागि पुनः गड्तौलालाई निर्विरोध चयन गरेको हो ।
पुनर्गठित समितिको उपाध्यक्षमा घनश्याम पौडेल, सचिवमा अभियोग राई, सहसचिव उमेश पोखरेल, कोषाध्यक्ष खगेन्द्र गड्तौला, सदस्यहरुमा बम बहादुर नेपाली, गंगा पोखरेल, आशा ढकाल, रेवती पोखरेल, कृष्णमाया विष्ट र सुनिता दाहाल गौतम निर्विरोध चयन भएका हुन् ।
त्यस्तै साधारणसभामा संस्थाका पूर्वअध्यक्षहरु शालिकराम दाहाल, कृष्णराज नेपाल र राजेन्द्र बहादुर खड्कालाई सम्मान समेत गरिएको थियो । सभामा अध्यक्ष गड्तौलाले संस्थाको भावी योजना, लेखापरीक्षण प्रस्तुत गरेका थिए ।
करिब २० लाख रुपैयाँको आयव्यय प्रस्तुत गरिएको थियो । संस्थाको कुल पुँजी तथा सम्पती करिब १ करोड १५ लाख रुपैयाँ पुगेको संस्थाले जनाएको छ ।
सभामा संस्थाका अध्यक्ष गड्तौलाको सभापतित्व रहेको थियो । त्यस्तै सभामा बराहक्षेत्र नगरपालिका ६ का वडाध्यक्ष उद्धव प्रसाद पोखरेलको प्रमुख आतिथ्यता र उद्योग बाणिज्य संघ, जनप्रतिनिधि, विभिन्न संस्थाका प्रतिनिधिहरुको आतिथ्यता रहेको थियो ।
