चर्चित हाँस्यव्यङ्ग्य गायक श्रीकृष्ण लुईटेल (बोके दाह्री)को नयाँ गीत सार्वजनिक भएको छ । ‘सररर इन्जिने गाडी’ बोलको गीत उनले बुधबार आफ्नै युटुब च्यानलमार्फत सार्वजनिक गरेका हुन् ।
बोके दाह्री र मनिषा पोखरेलको स्वर रहेको गीतमा शब्द र संगीत पनि उनकै छ । उक्त गीतमा जोनी योञ्जनको एरेन्ज गरेका छन् ।
भिडियोमा गायक बोकेदाह्रीका साथै अन्जली माझी, रमेश भट्टराई, खेमराज भट्टराई, मिलन परियार, मेनुका गिरी, संचिता पञ्चकोटी र सम्वृद्धि ओझा लगायतको अभिनय रहेको छ ।
गीतको भिडियोलाई सुमन योन्जनने छायाँकन गरेका हुन् ।
उनका ‘ए बा किन्देउन भटभटे’, ‘बाँके बर्दिया’, ‘मुखमा हान्नु जस्तो’, ‘तेरो बाउ थोते’ लगायतका दर्जनौँ गीत चर्चित छन् ।
