इटहरीमा रहेको माया घरलाई जनक स्मृति मावि इनरुवाको कक्षा १० मा अध्ययनरत विद्यार्थीले खाद्यान्न समाग्री हस्तान्तरण गरेका छन् ।
सो विद्यालयका विद्यार्थीहरुले शनिबार माया घर इटहरी पुगेर त्यहाँ रहेका असहाय तथा अनाथ बालबालिका, ज्येष्ठ नागरिक एवं मानसिक रोगीहरुका लागि खाधन्न समाग्री हस्तान्तरण गरेको जनक स्मृति मावि कक्षा १० मा अध्ययनरत छात्रा निष्ठा निरौलाले बताइन् ।
बिद्यार्थीहरुले आफ्नो खाजा खर्चबाट बचाएको रकमबाट खाद्यान्न समाग्री उपलब्ध गराएको अर्की छात्रा अपेक्षा अधिकारीले बताइन् । विद्यार्थीको समूहले चामल, आलु, कोभि, आँटा, तोरीको तेल, फ्रुटी, स्याउ, अंगुर, मसुरी दाल, अण्डा र चकलेटहरु हस्तान्तरण गरेको थियो । सोही अवसरमा विद्यार्थी सुदर्शन भट्टराईको जन्मदिनको अवसरमा केक काटेर मनाइएको थियो । ्
विद्यार्थीहरुको यस्तो सहयोगको भावना सदैव रहिरहोस् भन्दै माया घर इटहरीकी सचिव सुभद्रा प्याकुरेलले सहानुभुतिलाई उच्च कदर गर्ने बताइन् ।
