आउँदो शुक्रबार प्रदर्शनमा आउन लागेको चलचित्र प्रेम गीत ३ को अग्रिम बुकिङ आक्रमक बन्दै गएको छ । प्रदेश १ को मुख्य शहरहरु बिर्तामोड, दमक, इटहरी, बिराटनगर र धरानका मल्टिप्लेक्स हलहरुमा प्रेम गीत ३ को बुकिङ खुलेसँगै अग्रिम बुकिङ आक्रमक ढंगले अगाडि बढेको हल सञ्चालकहरुको भनाई छ ।
हिन्दी भाषाको प्रेम गीत ३ को माग उच्च रहेको क्यूएफएक्स सिनेमा बिर्तामोडका म्यानेजर केदार बस्नेतले जानकारी दिए । पूर्वका सबै हलहरुमा बुकिङ खुलेसँगै सबै हलले उच्च शो दिएका छन् । प्रेम गीत ३ रिलिजलाई लिएर निकै उत्साहित भएका हल व्यबसायीहरु भने बिबादमा फस्न नचाहेको र दर्शकको मागलाई उच्च सम्मान गर्दै शो टाइम धेरै दिएको बताउँछन । पर्वमा मात्र हैन पश्चिमका बिभिन्न शहरका हलहरुमा बिहानी शोहरुनै हाउसफुल बुकिङ भएको छ ।
फिल्मको बारेमा लिएर धेरै टिका टिप्पणी गरेपनी दर्शकको पर्खाइको चलचित्र प्रेम गीत ३ हिन्दी भाषा र नेपाली भाषामा एकसाथ रिलिज हुँदैछ । दुबै भाषामा रिलिजको तयारी भएको फिल्म हिन्दी भर्जनलाई लिएर केही दिनदेखि बिबाद भएपनी निर्माण पक्षले विकास कर तिरेपछि बुधबार बिवाद अन्त्य भएको छ । २०० सय बर्षअघिको प्रेम काहानीलाई पर्दा मा उतारेको फिल्म स्वर्गीय छेतन गुरुङ् र सन्तोष सेनले संयुक्त रुपमा निर्देशन गरेका छन् । सेन निर्माता रहेको फिल्ममा सहनिर्माता कुमार सान शाह र ओएसआर डिजिटल छन् ।
त्यस्तै कार्यकारी निर्माता चक्र बहादुर चन्द र मिलन सेन रहेकाछन । फिल्ममा मा प्रदिप खड्का, नव नायिका कृष्टिना गुरुङ, सुनिल थापा, शिव श्रेष्ठ, संतोष सेन, माओत्से गुरुङग, प्रेम पुरी, नवनायक मनिष रावत, अनुभव रेग्मी, सुजल बस्नेत, सम्बृद्धि शाही ठकुरी, योगीसा खत्री, लक्ष्मी बर्देवा, क्रिजल गौतम लगायतका कलाकारको मुख्य भूमिका रहेको छ ।
