सुनसरी । रामधुनी नगपालिकाद्वारा मेयर/उपमेयरसंग पत्रकार भेटघाट कार्यक्रम मंगलबार आयोजना गरेको छ ।
नगरपालिकाको कार्यालयमा आयोजित कार्यक्रममा नगरपालिकाभित्र भएका गतिविधिका बारेमा जानकारी लिनका साथै सुझाव संकलन गर्न उक्त कार्यक्रमको आयोजना गरेको स्रोतले जनाएको छ ।
नगरप्रमुख र उपमेयरका रुपमा आफु निर्वाचित भएर आएपछि गरेका संक्षिप्त कार्यप्रगतिका विवरण कार्यक्रमका क्रममा उल्लेख गरेका थिए । चालु आर्थिक बर्ष २०७९÷०८० मा पूजीगत खर्च बढाउने र विकाश निमार्णको कामलाई चाँडो सम्पन्न गर्नका लागि प्रकृया सुरु भइसकेको नगरपालिकाका प्रमुख प्रसासकिय अधिकृत कमल थापाले जानकारी दिए ।
कार्यक्रममा बोल्दै अधिकृत थापाले हालको अवस्थामा नगरपालिकाबाट भौतिक पूर्वाधारसंग सम्बन्धीत कार्यहरु भैरहेको बताए । उनले भने, “खासगरि हामीले सडक निर्माण तथा पूर्वाधारका काममा टेन्डर प्रकृया सकेर सम्झौताका कामहरु गरिरहेका छौं । यसबर्ष विगतको तुलनामा विकाशका कामहरु छिटो सम्पन्न हुन्छ भन्ने छ ।”
कार्यक्रममा मन्तब्य राख्दै नगरप्रमुख शंकरलाल चौधरीले रामधुनीको विकासका लागि आफ्नो कार्यकाल महत्वपूर्ण रहने बताए । उनका अनुसार रामधुनी नगरको नाम नै रामधुनी मन्दीरबाटै भएको र त्यसको विकासका लागि गुरुयोजनाका साथ अगाडि बढेको छ । रामधुनी मन्दीरलाई पर्यटर्कीय गन्तव्यका रुपमा विकास गर्नका लागि डिपिआर निर्माणको काम पनि सम्पन्न भएको जानकारी नगरप्रमुख चौधरीले उल्ल्ेख गरेका हुन् ।
नागरिकलाई जतिसक्दो चाँडो सेवा शुविधा पूर्याउनका लागि सवै वडा र नगरपालिका जोड्ने सडक निर्माणलाई प्राथमिक्ताका साथ काम गरेको मेयर चौधरीको भनाइ छ । त्यस्तै सोही कार्यक्रममा बोल्दै नगरपालिका उपमेयर तारा थापाले रामधुनीको बजार व्यवस्थापन सम्बन्धी कामहरु सुरु गरिसकेको जानकारी दिइन् । बजारलाई सौन्दर्य तथा स्वच्छ बनाउनका लागि अभियान नै संचालन गरेको उनको भनाई छ ।
कार्यक्रममा आमन्त्रीत संचारकर्मीहरुले विकास निर्माणका कार्यमा भएको ढिलासुस्ति हट्नुपर्ने, नगरमा शिक्षा स्वास्थ्य तथा खेलकुद क्षेत्रको विकाश गर्नुपर्ने लगायतका कुराहरुमा जोड दिएका हुन् ।
