सुनसरी । बराहक्षेत्र प्याब्सन द्वारा आयोजित लोक नृत्य प्रतियोगितामा स्काई इङलिस स्कुल बराहक्षेत्र ३ नडाहा प्रथम भएको छ ।
प्रतियोगितामा राजाबास इङलिस स्कुल बराहक्षेत्र ९ ले दोस्रो स्थान हासिल गरेको छ भने सिद्धार्थ मेमोरियल इङलिस स्कुल बराहक्षेत्र ५ तेस्रो भएको छ । बराह राइजिङ्ग स्टार इङलिस बराहक्षेत्र २ चतराले भने सान्तवनामा चित्त बुझायो । विजयी टिमलाई मेडल, टर्फी सहित हासिल गरेको कार्यक्रमका सभापति साथै बराहक्षेत्र प्याब्सन अध्यक्ष कृष्ण तामाङले बताए ।
बराहक्षेत्रका निजि बिद्यालयको छाता संगठन बराहक्षेत्र प्याब्सनले शुक्रबार लोक नृत्य प्रतियोगिता सुरु गरेको थियो । जसमा बराहक्षेत्र भरी रहेको २५ वटा निजि बिधालय हरु मध्ये १२ विद्यालय सहभागी थिए ।
कार्यक्रममा प्रदेश १ प्याब्सनका उपाध्यक्ष ज्ञानेन्द्र दाहालको प्रमुख आतिथ्यता रहेको थियो । प्रदेश सदस्य धनबहादुर लिम्बु, जिल्ला सचिव बिजयकुमार राई, आर्दस माबी चतराका सहायक प्रधानाध्यापक ओमकुमार शर्माको बिशेष आतिथ्यता रहेको थियो । त्यसै गरी कार्यक्रममा विभिन्न राजनीतिज्ञ, विभिन्न विद्यालयका शिक्षक शिक्षिका साथै विद्यार्थीहरुको सहभागीता रहेको थियो ।
उक्त लोक नृत्य प्रतियोगितामा बराह राईजिङ स्टार इङलिस स्कुल बराहक्षेत्र २, मुन बिम एकेडेमी बराहक्षेत्र ५, सुनसरी स्टार एकेडेमी बराहक्षेत्र ८, सिद्धार्थ मेमोरियल इङलिस स्कुल बराहक्षेत्र ५, डिभाइन लाइट एकेडेमी बराहक्षेत्र ५, अक्स्पोट इङलिस स्कुल बराहक्षेत्र ४, जीवन ज्योति इङलिस स्कुल बराहक्षेत्र ८, स्काई इङलिस स्कुल बराहक्षेत्र ३, चिल्ड्रेन हार्ट एकेडेमी बराहक्षेत्र ८, आइरिस बराह एकेडेमी बराहक्षेत्र १, राजाबास इङलिस स्कुल बराहक्षेत्र ९, पिसुपुल इङलिस स्कुल बराहक्षेत्र ५ गरि प्याब्सनमा आवद्ध१ २ वटा स्कुल सहभागी भएको बराहक्षेत्र प्याब्सनका कोषाध्यक्ष दिवस बिष्टले जानकारी दिए ।
उक्त कार्यक्रममा प्रथम हुने स्काई इङलिस र द्धितीय स्थान हासिल गर्ने राजाबास इङलिस स्कुल पुस ११ गते हुने जिल्ला स्तरीय प्रतियोगितामा सहभागी गराउने जिल्ला सचिव बिजय राईले बताए । गत महिना मात्रै सप्ताह खेलकुद प्रतियोगिता गरेको थियो ।
