सुनसरी । सुनसरी जिल्लास्तरीय लोकनृत्य प्रतियोगिताको उपाधि रामधुनी झुम्काको आरम्भ विद्या मन्दिरले जितेको छ ।
सुनसरी प्याब्सनद्वारा आयोजित जिल्लास्तरीय लोकनृत्य प्रतियोगितामा आधारभूत तहअन्तर्गत आरम्भ विद्या मन्दिरले उपाधि जितेको हो ।
प्रतियोगितामा विश्व आदर्श स्कुल इटहरीले दोस्रो र बराह राइजिङ बोर्डिङ बराहक्षेत्रले तेस्रो स्थान हासिल गरे । जिल्लास्तरीय लोकनृत्य प्रतियोगितामा प्रथम भएसँगै आरम्भ विद्या मन्दिर प्रदेशस्तरीय प्रतियोगिताका लागि छनोट भएको छ ।
आयोजक प्याब्सनका अनुसार प्रदेशस्तरीय प्रतियोगिता माघ ३ गते हुने छ ।
सुनसरी प्याब्सनको कार्यालय इटहरीमा भएको प्रतियोगितामा गाउँ तथा नगरस्तीय प्रतियोगिताबाट जिल्लाका लागि छनोट भएका विद्यालयले प्रतिस्पर्धा गरेका थिए ।
