विश्वव्यापी रुपमा फैलिँदै गएको कोरोना (कोभिड १९) भाइरसलाई विश्व स्वास्थ्य संगठन (डब्लुएचओ)ले विश्वव्यापी महामारीको रुपमा घोषणा गरेको छ । घोषणा सँगै नेपाल सरकारले देशव्यापी लकडाउन गरेको छ । लकडाउन पछि पछाडी पारिएका समुदायका नागरिक (मजदुर वर्ग)लाई सबै भन्दा बढी असर परेको छ ।
बिभिन्न किसिमका ज्याला मजदुरी गरी बिहान बेलुकाको छाक टार्ने समुदायका परिवारलाई भने लकडाउनले प्रत्यक्ष असर परेको छ । यसै माहामारीलार्इ मध्यनजर गर्दै रामधुनी नगरपालिका वडा नम्बर ५ नेपाली कांग्रेसका वडा सभापति भोला बास्तोला (लेखनाथ)ले ५० हजार रुपैयाँ बराबरको खाद्यान्न सहयोग गर्ने घोषणा गरेका छन् ।
उक्त रकम बराबरको खाद्यान्न सामाग्री स्थानीय वडाबासीलाई जुन सुकै समयमा सहयोग गर्ने घोषणा गरेका हुन् । सहगोगका लागि अहिले सर्वेक्षण गर्न सुरु गरेका छन् । वडामा भएका पछाडी पारिएका समुदाय र दैनिक ज्यालादारीमा काम गर्दै छाक टार्नेहरुलाई सहयोग गर्नेगरी सर्वेक्षण सुरु गरेको बास्तोलाले बताए ।
‘दिनप्रती दन संकट थप चुलिँदो अवस्थामा परिस्थिति गम्भीर बन्यो भने गरिब जनताको घरघरमा गएर दैनिक अत्यावश्यक सामाग्रि आफैं बितरण गर्न तयार छुँ ।’ उनले भने ।
हरेक नेपालीले आ–आफनो क्षेत्रबाट सहयोग गर्नुपने भएकाले यस संकटको घडीमा आफ्नो तर्फबाट ५० हजार रुपैयाँ बिपन्न जनतालाई दिने उनले बताए । ‘समयमा न ब्यापार छ न जागिर ,मजदुरी गरेर खाने जनता झन् समस्यामा पर्ने गरेका छन्’ उनले भने ।
