अन्य देशबाट आएका बराहक्षेत्रका ४५ जना होम क्वारेन्टाइनमा बसेका छन् । नगरपालिकाले नगर क्षेत्रमा कोरोना भाइरस संक्रमण रोकथामका लागि विदेशबाट आएका स्थानीयको तथ्यांक सार्वजनिक गरेको छ ।
नगर प्रमुख निलम खनालका अनुसार अहिलेसम्म नगरपालिकाले गरेको खोजी अनुसार नगर क्षेत्रमा वैदेशिक रोजागरीबाट आएका ४५ जना भेटिएका छन् । उनका अनुसार विदेशबाट आएकाहरुमा वडा १ मा २ जना, वडा २ मा ५ जना, वडा ३ मा ८ जना, वडा ४ मा ८ जना, वडा ५ मा ८ जना, वडा ८ मा ४ जना, वडा ९ मा ३ जना, वडा १० मा ३ जना र अन्य वडामा ४ जान गरी ४५ जना सम्पर्कमा आएका हुन् ।
उनीहरु सबै जना अस्पताल गएर जाँच गराई अहिले होम क्वारेन्टाइनमा बसेको खनालले बताए । उनीहरुलाई कोरोनाको संक्रमण बारे संचेतना गराई घरमानै होम क्वारेन्टाइनमा बस्न परामर्श दिइएको हो । संक्रमणको आशंका भएकाहरुका लागि नगरपालिकाले छुट्टै करेन्ट्यान पनि बनाएको छ । तर उनिहरु त्यहाँ भने बसेका छैनन् ।
बराहक्षेत्र नगरपालिका क्षेत्रमा कोरोना भाइरस रोकथामका लागि लकडाउनमा घर बाहिर ननिस्कन, सामाजिक दुरी कायम राख्न, साबुन पानीले हात धुन नगरबासी लाई संचेना गराउनको कार्य जारी रहको उनले बताए ।
