इलाका प्रहरी कार्यालय चक्रघट्टीले आइतबार लागूऔषधसहित १ जना पक्राउ गरेको छ ।
बक्लौरीबाट कालाबन्जार आउदैं गरेको को ३४ प ४४४२ नम्बरको स्कुटीको सिटमुनी राखेर ल्याउँदै गरेको गोप्य सूचनाको आधारमा सादा पोसाकमा खाटेको प्रहरीको टोलीले आइतबार राति साढे ११ बजे पक्राउ गरेको हो ।
चेक गर्ने क्रममा बराहक्षेत्र ४ स्थित सुनसरी खोला नजिक प्रहरीले लागूऔषध डाइजेल्याप ३१, फेनार्गन ३१, लुपीजेसिक ३१ एम्पुलसहित स्कुटी र बराहक्षेत्र ४ आन्द्रमोठ बस्ने वर्ष ३९ को पिन्टु भनिने अभिराज चौधरीलाई नियन्त्रणमा लिइएको इलाका प्रहरी प्रमुख पाण्डप राजबंसीले बताए ।
पक्राउ परेका चौधरीलाई सुनसरी जिल्ला अदालतबाट म्याद थप गरी थप अनुसन्धान गरिरहेको प्रहरीले जनाएको छ ।
