रामधुनी । लायन्स क्लब अफ रामधुनी सिटी र लियो क्लब अफ रामधुनी सिटीले रामधुनी ८ का विपन्न वर्गका परिवार तथा व्यक्तिहरुलाई मास्क र साबुन वितरण गरेको छ ।
शनिबार रामधुनी ८ डुम्राहाका विभिन्न विपन्न वस्तीहरुमा गइ कोभिड १९ को संक्रमण हुनबाट जोगिन तथा रोकथामका लागि स्वास्थ्य समाग्री वितरण गरेको हो ।
विभिन्न वस्तीमा गरी तीन हजार थान मास्क र ५ सय वटा साबुन वितरण गरिएको लियो क्लब अफ रामधुनी सिटीका अध्यक्ष गोविन्द आचार्यले जानकारी दिए ।
मास्क रामधुनीका हर्क कोइरालाले सौजन्य गरेका थिए ।
क्लबले यसअघि पनि रामधुनी नगरपालिकाका विभिन्न ठाउँमा विपन्न वस्तीहरुमा मास्क, सेनिटाइजर, साबुनलगायतका स्वास्थ्य सुरक्षाका सामाग्रीहरु वितरण गरिसकेको छ ।
