बराहक्षेत्र। सुनसरीको बराहक्षेत्र ८ बाघझोडामा रहेको पहिलो निजि कलेज (उच्च मावि) जीवन ज्योति इङलिस स्कुलले विद्यार्थीहरुलाई स्वागत साथै बिदाई गरेको छ।
बुधबार भएको सुर्य फेमली पार्टी प्यालेसमा भएको स्वागत साथै बिदाई कार्यक्रममा कक्षा १२ ले कक्षा ११ लाई स्वागत गरेको छ। कक्षा १२ को परीक्षा दिइएका विद्यार्थीलाई बिदाई समेत गरेका हुन् । बराहक्षेत्र नगरपालिकाको पहिलो निजि विद्यालयको रुपमा रहेको यस उच्च माविले ३ वर्षदेखि नेपाली तथा इङलिस माध्यममा प्लस ं२ अध्यायपन सुरु गरेको प्रिन्सिपल दिवस बिष्टले बताए ।
विद्यालयले आयोजना गरेको उक्त कार्यक्रममा संयोजकत्व दिवस बिष्टले गरेका थिए । कार्यक्रममा सभापति विद्यालय व्यवस्थापन समितिका अध्यक्ष दिल बहादुर बस्नेत रहेको थिए भने कार्यक्रम प्रमुख अतिथि सप्तकोसी बाहुमुखी क्याम्पसका प्रमुख खगेन्द्र निरौला रहेको थिए । शिक्षक संचालन समितिहरुको आतिथ्यता रहेको थियो ।
उक्त कार्यक्रमका प्रमुख अथिती निरौलाले विद्यार्थीहरुलाई स्वागत साथै बिदाई हुने विद्यार्थीलाई अझै प्रगतिको शुभकामना दिएका थिए । कार्यक्रममा विद्यार्थीहरुले नेपाली आधुनिक पुराना गीतहरुमा आफ्नो गायन तथा नृत्य, कविता, कला प्रस्तुत गरेका थिए ।
अहिले कक्षा ११ मा ८६ जना छात्रछात्रालाई स्वागत गरिएको र कक्षा १२ को परीक्षा दिएका ८२ जना छात्रछात्राहरुलाई बिदाई गरेको प्रिन्सिपल बिष्टले बताए । विष्टका अनुसार हाल कक्षा १२ मा ८४ जना विद्यार्थीहरु अध्ययनरत छन् ।
यता बिदाई हुने विद्यार्थीहरुलाई स्कुलले मायाको चिनोसहित बिदाई गरेका थिए भने नवागंतुकहरुलाई खादा तथा अबिर लगाए स्वागत गरेका थिए । बिदाई हुने विद्यार्थीहरुले स्कुलको प्रशंसा गर्दै स्कुललाई प्रशंसा पत्र हस्तान्तरण गरेको विद्यार्थी चित्रमान राईले बताए ।
