बराहक्षेत्र । सुनसरीको बराहक्षेत्र नगरपालिकामा सोमबार एकैदिन एक पत्रकारसहित ५८ जनामा कोरोना भाइरस संक्रमण पुष्टि भएको छ । यो सँगै बराहक्षेत्रमा संक्रमितको संख्या २ सय ६४ जना पुगेको छ ।
गत शुक्रबार कालाबञ्जारमा ५० जनाको पिसिआर टेस्ट गरेकोमा सोमबार ३७ जना, प्रकाशपुरमा ६० जनाको एन्टिजेन जाँच गर्दा १७ जना र अन्य ठाउँमा पिसिआर टेस्ट गरेका ४ जना गरि नयाँ थप ५८ जनाको रिपोर्ट पोजेटिभ आएको स्वास्थ्यकर्मी जितेश थापाले बताए ।
अहिलेसम्म ५० जना संक्रमणमुक्त भएको ले कोरोना भाइरसलाई पिराजित गरेको थापाले जानकारी दिए । हाल सक्रिय संक्रमितको संख्या २ सय ५ रहेको छ । थापाका अनुसार मृत्यु हुनेको संख्या १० पुगेको छ ।
कुन वडामा कति संक्रमित ?
वार्ड नं १ मा ८ जना, वार्ड नं २ मा ४८ जना, वार्ड नं ३ मा १३ जना, वार्ड नं ४ मा ९ जना, वार्ड नं ५ मा ३७ जनालाई कोरोना संक्रमण भएको छ ।
त्यसैगरी वार्ड नं ६ मा ३२ जना, वार्ड नं ७ मा २० जना, वार्ड नं ८ मा ८ जना, वार्ड नं ९ मा २० जना, वार्ड नं. १० मा ५३ जना, वार्ड नं ११ मा १२ जना र अन्य वार्ड नखुलेका ४ जना रहेका छन् ।
