बराहक्षेत्र । सुनसरीको बराहक्षेत्र नगरपालिका वडा नम्बर ३ मा होम आइसोलेशनमा बस्दै आएका संक्रमितहरुलाई पौष्टिक तत्व र स्वास्थ्य साम्रागी लिएर वडा अध्यक्ष रुद्र दाहाल घरघरमै पुगेका छन् ।
दिनप्रतिदिन कोरोना भाइरस वृद्धि हुँदै गएपछि वडाध्यक्ष दाहालको टोलिले घरदैलोमै पुगेर संक्रमितको स्वास्थ अवस्था बारेमा सोधपुछ गरेका छन ्। उनले संयमता अपनाउन, मनोबल उच्च राख्न, नियमित औषधि सेवन गर्न आग्रह गरे ।
स्वास्थमा थप समस्य आएमा जतिबेला पनि वडाबासीले आफू लगायत सबै जनप्रतिनिधिलाई खबर गर्न उनले आग्रह समेत गरेका छन् ।
संक्रमितसँग भेटघाट गर्न अध्यक्ष दाहालसहितको टोलीमा वडा सदस्य, कर्मचारी लगायत छन् । टोलिले संक्रमितहरुको घरमै पुगेर कोरोना भाइरसबारे जनचेतना साथै मनोबल बढाउने, हौसला दिने, स्वास्थ सामग्री आक्सोमिटर, थार्मामीटर, परासिटामोल, मास्क, सेनेटाइजर र फलफुलको जुस लगायत सामग्री हस्तान्तरण गरेको वडा अध्यक्ष दाहालले बताए ।
दाहालले मंगलबार ५ जना संक्रमितको घरमै पुगेर उक्त सामाग्री हस्तान्तरण साथै भेटघाट गरेका थिए । बराहक्षेत्र वडा नम्बर ३ मा अहिलेसम्म १३ जना संक्रमित भएका छन् । जसमा तीन जना संक्रमणमुक्त भइसकेका छन् भने एक जनाको मृत्यु भएको छ । हाल सो वार्डमा ९ जना सक्रिय संक्रमित रहेका छन् ।
