हरेक वर्ष कार्तिक शुक्ल पञ्चमीका दिन अस्ताउदो सूर्यलाई अर्घ दिइ रातभरी भजनकृतन गर्दै त्यसको अधिल्लो दिन अर्थात कार्तिक शुक्ल अस्ताउदो सुर्यलाई अर्घ दिएर विधिवत रुपमा सम्पन्न हुने प्रचलन रहेको छ ।
छैठ पर्वको दुई दिन अघाडी अर्थात कार्तिक शुक्ल तृतियाका दिन बिहान कलश यात्र गर्ने चलन रहेको छठ माता सेवा समितिका अध्यक्षले मिलन रौनियारले जानकारी दिए ।
“हामीले दुई दिन अगाडी कलश यात्रा गर्छौ त्यसै कारणले आज (शुक्रबार) कलश यात्रा गरिम, छैठको तयारी अन्तिम चरणमा छ अब हामी छठ पुजाको तयारी गर्दैछौं ,” छठ माता सेवा समितिका अध्यक्ष मिलन रौनियार बताउछन् ।
यस बर्ष छठ पुजाका लागि करिब ६ लाखको खर्च हुने समितिको अनुमान गरेको छ । झुम्काको शिव मन्दिरबाट कलशमा जल राखेर सुरु भएको कलश यात्रा पूर्वमा लगोना चोकदेखि बजार क्षेत्र हुँर्दै पश्चिममा शिव चोकसम्म परिक्रमा गरी कलश यात्रा सम्पन्न गरियो ।
उक्त कलश यात्रामा रामधुनी नगरपालिकाका मेयर, उपमेयर लगायत विभिन्न संघ संस्थाका प्रतिनिधि, प्रहरी लगायत स्थानीय भक्तजनहरुको बाक्लै उपस्थिती रहेको थियो ।
