रामधुनी । रामधुनी नगरपालिका क्षेत्रमा व्यपार व्यवसायीहरुको छाता संघ झुम्का उद्योग बाणिज्य संघले व्यापार व्यवसायको अवस्था सञ्चालनमा अत्यन्त समस्या भएको समयमा बैंक तथा वितिय संस्थाले निक्षेप र कर्जा बिचको ब्याजदर बिचको अन्तर नियमन निकायले राखेको अधिक्तम बृद्धीको अनुपातमा भन्दा अत्याधिक रहेको भन्दै ज्ञापनपत्र जारी गरेको छ ।
बैंकिङ्ग क्षेत्रमा देखिएको अस्थिर अवस्थाका कारण उद्योगी व्यवसायीहरुलाई पलायन हुनबाट जोगान प्रतिकूल वित्तीय वातावरण निर्माण गर्न आवश्यक कार्यान्वयनका तथा दिर्घकालिन समाधान खोज्न ज्ञापन पत्र वुझाएको संघका अध्यक्ष धर्मेन्द्र साहले जानकारी दिए ।
संघका अध्यक्ष धर्मेन्द्र साह, महासचिव नविन कुमार चौधरी लगायत सम्पूर्ण पदाधिकारी तथा व्यवसायीहरुले झुम्कामा रहेका बैंक तथा वितिय संस्थाहरुलाई मंगलबार ज्ञापनपत्र बुझाएका हुन् । उनका अनुसार बैंककाे कर्जा प्रवाह लगायत व्याज भुक्तानी लगायकाे समस्या व्यवसायले दिनानुदिन भाेग्नु पर्ने तर यसकाे समस्या बैंकीङ्ग क्षेत्रमा नभएकाे कारण उक्त समस्यालाई न्यूनिकरण गर्ने ज्ञापनपत्र बुझाएको बताए ।
अनिवार्य नगद मौजदातमा देखिएको तरलता जसका कारण कर्जाको सदुपयोग गर्ने व्यवसायीहरुले पनि यस्ता कडा निर्देशिकाहरुको मार खेप्नु परेको, बैँकको किस्ता, व्याज आदि बुझाउन नसेकेको तथा कुनै पनि भुक्तानी वा सेटलमेन्ट ओभरड्राफ्ट खाताबाट गर्न नपाइने लगायतका विभिन्न समस्या सृजना भएर कर्जामा ठुलो समस्या भोगेका कारण १८ बुँदे ज्ञापन पत्र बुझाएको संघले जनाएको छ ।
कोभिड–१९ को महामारीले सबै मुलुकका अर्थतन्त्र संगै नेपालको अर्थतन्त्र पनि संकुचित भएर आर्थिक गतिविधिमा आउको शिथिलताले रोजारीका अबसरहरु न्यून भएका कारण न्यून आय भएकाहरुको रोजगारी र आयमा आएको कमीले गरिबी तथा असमानता बढेर कर्जा भुक्तानिमा तथा उद्योग व्यवसाय सञ्चालन गर्न कठिन भएको संघको ज्ञापन पत्रमा उल्लेख छ ।
वित्तीय क्षेत्रमा देखिएको अस्थिर अवस्थाका कारण उद्योग व्यवसाय सञ्चालन देखि तिनमा आश्रित मजदुरहरुको जीवनयापनमा संकटको अवस्था सृजना भएको ज्ञापन पत्रमा उल्लेख गरिेको छ ।
झुम्का उद्योग बाणिज्य संघको विज्ञप्ति यस्तो छ :-
