प्रदेश १ का वन, वातावरण तथा भू–संरक्षण मन्त्रालयका मन्त्री शेखरचन्द्र थापाको बुधबार विहान १० बजे निधन भएको छ ।
केही दिनअघि डेंगीबाट संक्रमित भएका थापाको परीक्षणका क्रममा निमोनिया संक्रमण पुष्टी भएको अस्पतालका निर्देशक नारायण दाहालले जानकारी दिए । बिराटनगरस्थित नोबेल अस्पतालमा उपचार गराइरहेका थापालाई मंगलबार मात्रै काठमाडौंको ह्याम्स अस्पतालबाट सारिएको थियो ।
मोरङ्ग क्षेत्र नं. ३(क)को प्रदेश सभा सदस्य उम्मेद्वार समेत रहेका थापा उम्मेद्वारी दर्ताको भालिपल्ट असोज २४ गते डेंगी संक्रमण देखिए पछी काठमाडौंको ह्याम्स अस्पतालमा भर्ना भएका थिए ।
चुनाव प्रचारप्रसारका क्रममा घरदैलो कार्यक्रममा सहभागी हुन नसकेको भन्दै सामाजिक सञ्जालमा क्षमा व्यक्त गरेका थिए ।
पथरी शनिश्चरे–८ स्थायी घर भएका ५६ वर्षका थापा यसअघि तत्कालीन प्रधानमन्त्री गिरिजाप्रसाद कोइरालाको स्वकयि सचिव रहेका थिए । थापाका श्रीमती, एक छोरा, एक छोरी रहेका छन् ।
