रामधुनी । सुनसरीको रामधुनी नगरपालिका वडा नं.१ र ५ मा पर्ने नगरको मुख्यबजार क्षेत्रमा झुम्का उद्योग बाणिज्य संघले शान्तिपूर्ण मौन बिरोध प्रदर्शन गरेको छ । राष्ट्र बैँकले चर्को ब्याजदर वृद्वि गरेका कारण बैँक तथा वित्तीय संस्था विरुद्ध शान्तिपूर्ण विराेध प्रदर्शन गरेको संघले जनाएकाे छ ।
बैंकको चर्को व्याजदरका विरुद्ध आज बुधबार दर्जनौँको संख्यामा भेला भएका रामधुनीका उद्योगी, व्यवसायीहरुले बैँकको दादागिरी बन्द गर्न माग गर्दै शान्तिपूर्ण विराेध प्रदर्शन गरेका थिए । झुम्का उद्योग बाणिज्य संघको आयोजनामा भएको उक्त विरोध कार्यक्रममा संघका अध्यक्ष धर्मेन्द्र साह, रामधुनीका ठुला देखि साना व्यवसायी, पदाधिकारी, लगायतले हातमा प्ले कार्ड बोकेर मुख्य बजार क्षेत्र परिक्रमा गरेका थिए ।
संघको कार्यालयबाट सुरु भएको उक्त विरोध प्रदर्शन कार्यक्रम लागौना चौक, झुम्का बजार क्षेत्र हुँदै शिवचौकसम्म परिक्रमा गरेर संघको कार्यालय अघाडी केही समय व्यवसायीहरुले प्रदर्शन गरेका थिए।
“सम्झौता अनुसारको व्याजदर कायम गर”, “व्याजदर घटाउ व्यवसायी बनाऔ”, “बैंकको दादागिरी बन्द गर”, “व्याज घटाऔ व्यापारी बचाऔ” लगायतका प्ले कार्ड बोकेर प्रदर्शन गरेका व्यवसायीहरुले समस्यालाई चाडै पूरा गर्न माग गरेका छन् ।
बैंक तथा वितिय संस्थाहरुलाई संघले ज्ञापन पत्र हिजाे मंगलबार बुझएको थियो । उद्योगी, व्यवसायीहरुको समस्यालाई चाडै समाधान गर्न र व्यवसायीहरुलाई मानशिक तनाव नदिन समेत आग्रह गरेका छन् ।
सम्बन्धित :-
झुम्काका व्यवसायीद्वारा बैंक तथा वित्तीय संस्थालाई ज्ञापनपत्र (पत्रसहित)