सुनसरी । नेकपा (एमाले) सुनसरी क्षेत्र नं. २ (क) का उम्मेद्वार तथा जिल्ला अध्यक्ष रेवती रमण भण्डारीले एमालेले सुनसरी क्षेत्रबाट जित्ने दाबी गरेका छन् ।
आज आयोजना गरेको चुनावी ¥यालीमा पत्रकारहरुसंग कुरा गर्दै भण्डारीले यस्तो बताएका हुन् । उनले आफु मात्र नभएर सूर्य चिन्हबाट निर्वाचनमा रहेका सम्पूर्ण उम्मेद्वारहरुले जित्न सक्ने आफुले अनुभुति गरेको दाबी गरे ।
प्रचारप्रसरकाे समयमा आफु घरदैलोमा जाँदा गठबन्धनका उम्मेद्वारहरू भन्दा बढी नेकपा (एमाले) उम्मेद्वारहरूका पक्षमा जनताकाे राम्राे समर्थन रहेकाे पाएकाे उनले बताएका छन् ।
आज चुनावी प्रचारप्रसारको अन्तिम दिन भएकाले चुनावी ¥याली आयेजना गरेको र यस अघि घरदैलो गरेर कम खर्च गर्दै मतदाताको घरघरमा पुगेको उनको भनाइ छ ।
“आगामी मंसिर ४ गतेको प्रतिनिधिसभा तथा प्रदेश सभामा सूर्य ध्वजा भित्र रहेर चुनावी मैदानमा रहेका सम्पूर्ण उम्मेद्वारहरुले निर्वाचन जित्न सक्ने अनुभुति भएको र त्यसमा म विश्वस्त छु ” उनले भने ।
विजय पश्चात जनता र जनप्रतिनिधि विचको अन्तरसम्बन्ध व्यवस्थित गरेर लैजाने, सुसासन र जनमैत्री सासन युक्त प्रणली तथा विकास निर्माणका विषयलाई कम स्रोतसाधनको प्रयोग गरेर दिगो विकास गर्ने उनको प्रतिबद्धता रहेको छ ।
