सुनसरी । चार सदस्यीय मन्त्रिपरिषद् सहित नेकपा (एमाले)का स्थायी कमिटि सदस्य तथा प्रदेश १ संसदीय दलका नेता समेत रहेका नवनियुक्त मुख्यमन्त्री मुख्यमन्त्री हिक्मतकुमार कार्कीले प्रदेश सरकार गठन गरेका छन् ।
मुख्यमन्त्री कार्कीले नेकपा (माओवादी केन्द्र)ले सहभागी नहुने बताएपछि राष्ट्रिय प्रजातन्त्र पार्टी (राप्रपा) र जनता समाजवादी पार्टी (जसपा)लाई मिलाएर सरकार गठन गरेका हुन् । नवनियुक्त मुख्यमन्त्री सहित तीन मन्त्रीहरूले प्रदेश प्रमुख पर्शुराम खापुङ्संग पद तथा गोपनियताको शपथ ग्रहण लिएका हुन् ।
मुख्यमन्त्री कार्कीसँगै एमालेका ताप्लेजुङ १ (क) बाट निर्वाचित प्रदेश सांसद तीलकुमार मेन्याङ्बो मन्त्री, राष्ट्रिय प्रजातन्त्र पार्टीका नेता भक्तिप्रसाद सिटौला र जनता समाजवादी पार्टी (जसपा)की निर्मला लिम्बू कुनै विभाग नतोकि मन्त्रीमा नियुक्त भएको एमालेका प्रमुख सचेतक रेवतीरमण भण्डारीले जानकारी दिए ।
हालसम्म प्रदेशका सम्पूर्ण मन्त्रालयहरु नवनियुक्त मुख्यमन्त्री कार्कीले आफ्नै साथमा राखेका छन् ।
