सुनसरी । नेपाल सरकार प्रधानमन्त्री तथा मन्त्रिपरिषदको कार्यालयले यती एयरलायन्सको विमान दुर्घटनाको विषयमा छानबिन गर्न उच्चस्तरिय छान्बिन आयोग गठन गरेको छ ।
आज विहान साढे १० बजेको समयमा काठमाडौंबाट पोखराका लागि उडेको यती एयरलायन्सको 9N-ANC विमान पोखराको सेति खोंचेमा दुर्घटना भएको थियो ।
उक्त विमानमा १५ विदेशी नागरिक तथा चार सदस्य चालक दलसहित कुल ७२ जना रहेका थिए । उक्त घटनाका विषयमा छनबिनका लागि पूर्व सचिव नागेन्द्र घिमिरे सहितको ५ सदस्य छानबिन आयोग गठन गरिएको दुर्घटना जाँच आयोग गठन गरेको सरकारका प्रवक्ता एवं अर्थमन्त्री विष्णु पौडेलले जानकारी दिए ।
आयोगलाई ४५ दिनको समयभित्रमा दुर्घटनाको कारण पहिचान गरेर र आगामी दिनमा यस्ता दुर्घटना नदोहोरिने गरी आवश्यक सुझाव सहितको प्रतिवेदन दिन मन्त्री पौडेलले बताएका छन् ।
नेपाली सेनाबाट अवकाश प्राप्त उपरथी दीपक प्रसाद बास्तोला र हवाई इन्जिनियर सुनिल थापा, सदस्य सचिवमा संस्कृति मन्त्रालयका सह–सचिव बुद्धिसागर लामिछाने लगायतको पाँच सदस्य आयोग गठन गरिएको छ ।
