सुनसरी । राष्ट्रिय स्वतन्त्र पार्टीका सभापति तथा उपप्रधान एवम् गृहमन्त्री समेत रहेका रबि लामिछानेले प्रतिनिधिसभाको सांसद पद गुमाएका छन् ।
गृहमन्त्री लामिछाने गत मंसिर ४ गते भएको प्रतिनिधिसभा तथा प्रदेश सभा तर्फको निर्वाचनमा चितवन क्षेत्र नं. २ बाट निर्वाचित सांसद हुन् ।
आज बसेको सर्वाेच्च अदालतको मन्तिम सुनुवाईमा गृहमन्त्री लामिछानेको नगरिकता अवैध रहेको ठहर गर्दै उनको सांसद पद खारिज गरेको हाे । रविराज बसौला र युवराज सफलसहितले सर्वोच्चमा लामिछानेले प्राप्त गरेको अमिरेकी नागरिक्ता प्राप्त गर्नु पुर्वको नागरिकताबाट निर्वाचनमा उम्मेद्वारी दर्तागरेको र जुन अवैध रहेको दावी गर्दै मुद्दा दायर गरेका थिए ।
सो मुद्दोको सुनुवाईका लागि कायमुकायम प्रधानन्यायधिस हरिकृष्ण कार्कीसहितको ५ सदस्य इजलासले उनलाई अन्तिम सुनुवाईबाट सांसद पदका लागि अयोग्य ठहर गरेको हो ।
लामिछानेले प्राप्त गरेको अमेरिकी नागरिकता त्याग गरेको कुराको विधिवत जानकारी सम्बन्धित जिल्ला प्रमुख अधिकारीलाई नदिएको अदालतले ठहर छ ।
यस्तै नेपाल नागरिकता ऐन, २०६३ को दफा १० र ११ लगायत नेपाल नागरिकता नियमावली, २०६३ को नियम ११ बमोजिम तोकिएको प्रकृया वमोजिम नागरिकता जारी गर्ने कार्यालयमा गई निवेदन नदिएको पनि अदालतको ठहर छ ।
जसकानुसारको प्रक्रिया अपनाएको भन्ने समेत प्रत्यर्थीले जिकिर लिएको नपाइएको अदालतको फैसलामा उल्लेख छ । यसका साथै उनको क्षेत्रमा उपनिर्वाचन गर्न समेत अदालतले आदेश दिएको छ ।
