सुनसरी । बराहक्षेत्र नगरपलिका ५ भरौलको एकता टोलस्थित खेमराज प्रधानको जग्गाबाट प्रहरी करिब १० हजार राउन्ड गोली र एक थान बन्दुक बरामद गरेको छ ।
नेपाल आर्मी, नेपाल सशस्त्र बलको रोहबरमा प्रहरीले दुई पिलरको बीचमा खाल्डो खनेर प्लास्टिकको डर्ममा गाडेरर राखेको अवस्थामा गोली बरामद गरेको हो ।
उक्त खाल्डोबाट एक थान एसएनजी बन्दुक र बिभिन्न हतियारमा प्रयोग हुने ५.५६ एमएमको गोली ४ हजार ५ सय ६५ थान, ७.६२ एमएमको २ हजार ५ सय ९६ थान, ९ एमएमको २ हजार ६ सय ३२ थान र अन्य आकारका १ सय ८९ थान गरी गरि ९ हजार ९ सय ८२ राउण्ड गोली बरामद गरेको नेपाल सशस्त्र प्रहरी बल चतराका इन्सपेक्टर असोक न्योपानेले बताए ।
सूचनाको आधारमा खबर पाएपछी बिहान करिब १० बजे उक्त स्थानमा पुर्वी पृतना मुख्यालय इटहरीको टोली आइपुगेको थियो । सेना आए पछि नेपाल सशस्त्र प्रहरी चतरा, इलाका प्रहरी महेन्द्रनगर भरौल प्रहरी साथै जिल्ला प्रहरी कार्यालय सुनसरीबाट एसपी नेतृत्वको टोली समेत उपस्थित भएका थिए ।
करिब ४,५वर्ष अगाडि ढलाइ गरेर निमार्ण गरेको कुखराको खोरमा भेटिएको गोली तत्कालनि द्वन्द्वकालमा प्रयोग भएको गोली र हतियार हुन सक्ने प्रहरीले अनुमान गरेको छ ।
गोली तीन वटा प्लाष्टिकको ड्रममा व्यवस्थित ढंगले गाडेर राखिएको थियो । नेपाली सेनाको वशिेष सक्रियतामा गाडिएको अवस्थाबाट निकालिएको उक्त गोलीहरुलाई कानुनि प्रक्रिया अनुसार सुरक्षित राखिने प्रहरीले जनाएको छ ।
