सुनसरी । बुधबार दिँउसो दुहबीमा एमाले–कार्यकर्ताबीच झडप भएको छ। गत मंसिर ४ गते भएको प्रतिनिधिसभा तथा प्रदेश सभा सदस्य निर्वाचनमा सुनसरी क्षेत्र नम्बर ३ बाट निर्वाचित भगवती चौधरीको विजयी जुलुसको क्रममा सामान्य विवाद हुँदा झडप भएको हो ।
वडा नम्बर ९ स्थित सोही वडाका वडाध्यक्षको घर नजिक दुबै पक्षबीच सामान्य विवादले झडपको स्थिति आएको जिल्ला प्रहरी कार्यालय सुनसरीका एसपी प्रभुप्रसाद ढकालले जनकारी दिए।
‘नेपाली कांग्रेसबाट निर्वाचित ८ नम्बर वडाध्यक्षको घरनजिकै वडाध्यक्षले बधाई आदानप्रदान गर्ने क्रममा केही अन्य व्यक्तिहरूलाई अबिर लागेको थियो,’ उनले भने, ‘हामीलाई अबिर किन लगाइयो, हिजो राति डिजे किन बजाइयो भन्दै केही व्यक्तिले सामान्य विवाद गर्न थालेपछि झडपको स्थिति आएको हो।’
उनका अनुसार कांग्रेस र एमालेका कार्यकर्ताबीच ढुङ्गा हानाहानको स्थिती आएको खबरबिटलाइ जानकारी दिए।
केही समय पछि प्रहरीले दुवै पक्षलाई करिब एकसय ५० मिटर टाढाँराखेपछि मात्र अवस्था सामान्य बन्दै गएको ढकालले बताए।
उनका अनुसार अहिले अवस्था सामान्य रहेकाे र केही व्यक्ति सामान्य घाइते भएका चार जनाकाे स्थानीय अस्पतालमा उपचार भइरहेको बताए।
