सुनसरी । उदयपुरको त्रियुगा नगरपालिका १५ छाम्लिङ स्थितमा ट्याक्टर दुर्घटना हुँदा १ जनाको घटनास्थलमै मृत्यु भएको छ ।
आज शुक्रबार दिउँसो पौने १२ बजे गाईघाटबाट रसुवा तर्फ जादै गरेको स १ त ४९४६ नं. को ट्याक्टर आफै अनियन्त्रित भई सडक देखी अन्दाजी २०० मिटर तल झरेर दुर्घट्ना भएको हो । सो दुर्घटनाबाट ट्याक्टरमा सवार उदयपुर रौतामाई गाँऊपालिका ६ बस्ने १८ बर्षीय शिवराज घिमिरेको घट्नास्थलमै मृत्यु भएको प्रहरीले जनाएको छ ।
त्यस्तै ट्याक्टर चालक रौतामाई गाऊपालिका ४ बस्ने २३ बर्षीय सरोज आचार्य, त्रियुगा नगरपालिका ११ दोभान बस्ने १७ बर्षीय रोमन मगर र त्रियुगा नगरपालिका ३ मिलन चोक बस्ने ३५ बर्षीय पुरूषोत्तम कार्की घाईते भएको प्रहरीले जानकारी दिएको छ ।
घाईतेहरुलाई उपचारको लागी घोपा धरान तर्फ पठाएको र घटनाको बारेमा थप अनुसन्धान भइरहेको प्रहरीले जनाएको छ ।
