सुनसरी । काठमाडौँ विश्वविद्यालयले आइतबार इटहरीमा अन्तरक्रिया कार्यक्रम गर्ने भएको छ । इटहरीको बरन्डा होटेलमा दिउँसो १ बजेदेखि कार्यक्रम आयोजना हुने भएको हो ।
स्नातक तह अध्ययनरत तथा भर्खरै उर्तीण विद्यार्थीलाई केन्द्रित गरेर अन्तरक्रिया कार्यक्रम आयोजना हुने बताइएको छ । नेपालको प्रसिद्ध विश्वविद्यालय मानिएको केयुले प्रदेश १ का विद्यार्थीलाई गुणस्तरीय शिक्षाको पहुँच र्पुयाउने उद्देश्य राखेको छ ।
मुख्यतः झापा मोरङ र सुनसरीका विद्यार्थीलाई केन्द्रित गरेर इटहरीमा कार्यक्रम गरिएको आयोजक संस्थाले जानकारी दिएको छ । विद्यार्थीको शैक्षिक भविष्य, आगामी अवसर, चुनौती र उद्यमशीलताको विषयमा बहस हुने आयोजक संस्थाले जनाएको छ ।
‘नेपाल स्कुल अफ आन्ट्रप्रेनर्सीप’ ले कार्यक्रमको संयोजन गरेको छ । ‘एनसइ’ का फाउन्डर रञ्जन ओझाका अनुसार कार्यक्रममा विश्वविद्यालयका डिन, व्यवस्थापन सङ्काय प्रमुख सविन पन्त, प्रोफेसर राजेश शर्मा लगायतको उपस्थिति रहने आयाजकले जनाएको छ ।
