रामधुनी । झापाको मेचिनगर नगरपालिका–१३ स्थितमा सवारी दुर्घटना हुँदा १ जनाको मृत्यु भएको छ ।
हिजो आइतबार राती साढे ८ बजेको समयमा ना. ८ ख ३३३६ नम्बरको ट्रकले मे. ७ प १७२७ नम्बरको मोटरसाईकललाई ठक्कर दिँदा मोटरसाईकलको पछाडि सवार रहेकी रोङ गाउपालिका–६ इलामकी २३ बर्षीया उषा राईको उपचारका क्रममा बि एण्ड सि अस्पताल बिर्तामोडमा मृत्यु भएको प्रहरीले जनाएको छ ।
ठक्कर दिने ट्रक र पाँचथर मिक्लाजुङ बस्ने चालक सुन्दर राज आङदाम्बेलाई नियन्त्रणमा लिई घटना सम्बन्धमा थप अनुसन्धान सुरु गरिएको इलाका प्रहरी कार्यालय धुलाबारीले जनाएको छ ।
त्यस्तै आज सोमबार बिहान रुपाटारबाट कटारी तर्फ आउदै गरेको प्रदेश २–०१–००१ च ००५० नम्बरको बोलेरो गाडी आफै अनियन्त्रित भई दुर्घटना हुँदा घाईते भएका ताप्ली गाउँपालिका–१ का ६५ बर्षीय मिन बहादुर सार्कीको उपचारको क्रममा कटारी अस्पतालमा मृत्यु भएको प्रहरीले जनाएको छ ।
त्यस्तै सोही घटनाबाट ताप्ली– २ का ३० बर्षीय फडिन्द्र श्रेष्ठ, ७ बर्षीय भवानी श्रेष्ठ, २ बर्षीय भुमिका श्रेष्ठ, ताप्ली– ५ का २३ बर्षीय सुमित्रा गिरि र ताप्ली–४ का ४५ बर्षीय झगड बहादुर बिश्वाकर्म घाइते भएका छन् ।
घाइते भएकाहरुको कटारी अस्पतालमा उपचार भईरहेको ईलाका प्रहरी कार्यालय कटहरीले जनकारी दिएको छ ।
साथै घटनामा संलग्न रहेको चालक ईश्वर नारायण श्रेष्ठलाई प्रहरीले नियन्त्रणमा लिई घटनाका विषयमा थप अनुसन्धान सुरु गरिएको प्रहरीले जनाएको छ ।
