सुनसरी । प्रदेश १ मा नेकपा एमालेले आज संसदीय दलको नेता चयन गर्ने भएको छ ।
दलको नेता चयनका लागि आज (आइतबार) दिउँसो १ बजे प्रदेशसभा सचिवालयमा दलको बैठक बोलाइएको छ ।
प्रदेशसभा सांसद तथा पूर्व आन्तरिक मामिला तथा कानुनमन्त्री हिक्मत कार्कीले आज बस्ने बैठकबाट दलको नेता चयन हुने जानकारी दिए ।
उनले बैठकबाट दलको नेता सर्वसम्मत चयन हुने तयारी भइरहेको बताए । प्रदेश १ प्रदेशसभामा नवनिर्वाचित सांसदहरुलाई शपथग्रहणका लागि ११ गते आव्हान गरिएको छ ।
एमालेले शपथग्रहण अगाडि नै दलको नेता चयन गर्ने भएको हो । प्रदेश १ को सबैभन्दा ठूलो दलको रूपमा रहेको नेकपा एमालेका प्रदेशसभामा ४० जना सांसद छन् ।
प्रदेश १ मा दोस्रो ठूलो दलकोरुपमा रहेको नेपाली कांग्रेसले भने दलको नेता चयनका विषयमा छलफल गर्न सोमबार (भोलि) बैठक बोलाएको छ ।
