रामधुनी । इटहरी १७ स्थित स्ट्यान्डर्ड बोर्डिङ स्कुलका विद्यार्थीहरुले इटहरी ४ स्थित निःसहाय बालवालिका सेवा आश्रमलाई नगद तथा जिन्सी समान सहयोग गरेका छन् । शुक्रबार महाशिवरात्री तथा ११४ औँ नारी दिवसको बिदा पारेर स्कुलअन्तरगत स्ट्यान्डर्ड बाल क्लव र जुनियर रेडक्रस सर्कलका बिद्यार्थीले पाँच हजार पाँच सय पचपन्न रुपैयाँ नगद हस्तान्तरण गरेका हुन् ।
विद्यार्थीहरुले नगरसहित जिन्सी खाद्यान्न पनि संस्थाकी संस्थापक संरक्षक गीता गौतमलाई हस्तान्तरण गरेका थिए । कार्यक्रममा विद्यार्थीहरुले संरक्षक गौतमको सामान्य जीवनी समेत सुनेका थिए । बालबालिकाले स्वतस्फूर्त मन्तब्य राख्दै जीवनमा समाजसेवामा पहिलो पाइला राखेको बताउँदै भविष्यमा समाजसेवामा अग्रसर रहने बताए ।
कार्यक्रमको संयोजक बिद्यालयका परीक्षा संयोजक सुमन राउतले बालबालिकालाई देशभक्त र अनुशासित भई समाजसेवामा लाग्न उत्प्रेरित गर्दै आफ्नो ब्यक्तिगत तर्फबाट पाँच हजार रुपैयाँ थप सहयोग प्रदान गरे ।
कार्यक्रममा विद्यार्थीहरुसहित बिद्यालयका सह प्रधानाध्यापक निरज कोइराला, शिक्षक सागर नेपाल र रमेश घिमिरे तथा कर्मचारीहरु भरत खड्का र इन्द्रबहादुर मगर समेत सहभागी थिए । धेरै बिद्यार्थीहरुले आफ्नो जन्मदिनमा हरेक बर्ष उपस्थित हुने वचन समेत दिएका थिए ।
