विराटनगर । मोरङ र झापाको विभिन्न स्थानहरुबाट लागू औषध ब्राउन सुगरसहित ७ जनालाई प्रहरीले पक्राउ गरेको छ । बुधबार विराटनगर महानगरपालिका १५ स्थितबाट लागूऔषध नियन्त्रण व्यूरो विराटनगरबाट खटिएको प्रहरी टोलिले चेकजाँचको क्रममा पक्राउ गरेको हो ।
पथरीशनिश्चरे १ का २७ वर्षीय प्रदिप बस्नेतलाई ४ ग्राम १८ मिलिग्राम र २९ वर्षीय गोपाल भारतीलाई १ ग्राम १३ मिलिग्राम ब्राउन सुगरसहित पक्राउ गरेको प्रहरीले जनाएको छ। त्यसैगरी झापाको इलाका प्रहरी कार्यालय कुमरखोदबाट खटिएको प्रहरी टोलीले झापा शिवसताक्षी ८ का २४ वर्षीय गोबिन्दहाङ लिम्बु र ३९ वर्षीय कैलाश रणपहेलीलाई ३ ग्राम ५४० मिलिग्राम ब्राउन सुगरसहित पक्राउ गरेको छ ।
सोही दिन प्रहरी चौकी गोलधापले जाँचको क्रममा झापा हल्दीवारी गाउँपालिका १ का २१ वर्षीय सबिन चौधरी र २१ वर्षीय रोहन चौधरीलाई प्रतिबन्धित औषधी ट्रामाडोल २० ट्याव्लेटसहित पक्राउ गरेको छ । त्यस्तै इलाका प्रहरी कार्यालय बुधबारेले चेकको क्रममा मेचीनगर १२ का २४ वर्षीय प्रितम मेचेलाई १ ग्राम १३० मिलिग्राम ब्राउन सुगरसहित नियन्त्रणमा लिएको छ ।
लागूऔषधसहित पक्राउ परेका उनीहरुको थप अनुसन्धान भइरहेको प्रहरीले जनाएकाे छ ।
