रामधुनी । सुनसरीका पत्रकारहरुको लागि गरिएको कोरोना बीमा वापतको रकम कोरोना संक्रमण भई निको भएका मध्ये ६ पत्रकारलाई हस्तान्तरण गरिएको छ ।
नेपाल प्रेस युनियन सुनसरीले गत जेष्ठमा आइ एम इ जनरल इन्स्योरेन्स लिमिटेड काठमाडौं मार्फत गरिएको कोरोना बिमा अन्तर्गत आइतबार दोश्रो चरणको कोरोना बीमा वापतको रकम ६ जना पत्रकारलाई बितरण गरिएको हो ।
बीमा कम्पनी र प्रेस युनियन सुनसरीले संयुक्त रुपमा कोरोना बीमा वापतको १/१ लाख रुपैयाँ नगद हस्तान्तरण गरेको युनियनका जिल्ला अध्यक्ष पवन अधिकारीले जानकारी दिएका छन् ।
अधिकारीले दिएको जानकारी अनुसार पीडित पत्रकारहरु केदार बस्नेत, भोजराज श्रेष्ठ, आशिष यादव, महेश गुरागाइ, बिजय पराजुली र रमेश कुमार राईलाई जनही १ लाखको दरले ६ लाख रुपैयाँ हस्तान्तरण गरिएको हो ।
बिमा ब्यावस्थापन समितीका संयोजक एबम प्रेस युनियन सुनसरीका पूर्व अध्यक्ष कृष्ण अधिकारीसहित पूर्व अध्यक्षहरु गणेश निरौला,पत्रकार महासंघ तेह्रथुमका पूर्व अध्यक्ष महेन्द्र काफ्लेलगायतले बिमा कम्पनीप्रती कृतज्ञता व्यक्त गरेका थियो ।
बाँकी रहेका पत्रकारहरुलाई कोरोना बिमाको रकम भुक्तानी पुसको पहिलो सात्ता गर्ने तयारी गरेको अधिकारीको भनाई रहेको छ । कोरोना बीमा रकमले उपचार, खाद्यान्नसहित अब बाँकी रहेको समयमा उत्पादनमूलक कार्यमा लगाउने पीडित पत्रकारहरुले बताएका छन् ।
बीमा रकम पाएका दुहबीमा पत्रकार आशिष यादबले आफू संक्रमण भएको बेला जेनतेन उपचार र पौष्टिक आहार खाएर कोरोना जितेको र अब आफैले सञ्चालन गरेको पत्रिकालाई निरन्तरता दिन बिमा रकमले योगदान गर्ने बताए ।
