बराहक्षेत्र । मोटरसाइकल चोरी गर्ने बराहक्षेत्रका २ जनालाई प्रहरीले आइतबार पक्राउ गरेको छ । पक्राउ पर्नेमा बराहक्षेत्र नगरपालिका वडा नम्बर ३ हार्दिया बस्ने सुमन सुन्दास र नवराज परियार रहेका छन् ।
बराहक्षेत्र नगरपालिका वडा ३ हर्दिया बस्ने इन्द्रबहादुर कार्कीको घर भित्रबाट गत बिहीबार राति १० प ३४५५ नम्बरको हिरो कम्पनीको कालो सुपर स्पेलेण्डर मोटरसाइकल चोरी भएको थियो । चोरी भएको मोटरसाइकलको हुलियासहित इलाका प्रहरी कार्यालयमा शुक्रबार निवेदन परेपछि खोजीको इलाका प्रहरी कार्यालय महेन्द्रनगरले सूचना जारी गरेको थियो ।
उक्त हुलिया अनुसार आइतबार इलाका प्रहरी कार्यालय इटहरीको मातहतमा रहेको प्रहरी चौकी तरहराले ड्युटीको क्रममा फेला पारेको इलाका प्रहरी कार्यालय महेन्द्रनगर प्रमुख पाण्डव राजवंशीले बताए ।
राजवंशीका अनुसार जिल्ला अदालतबाट ४ दिनको लागि म्याद थप गरि थप अनुसन्धान भइरहेको छ ।
