इटहरी । मोटरसाइकल चोरीमा संलग्न ७ जनालाई शनिबार प्रहरीले पक्राउ गरिएको छ ।
पक्राउ पर्नेमा इटहरी १३ का २८ वर्षीय राजेश मेहता, इटहरी २० का ३८ वर्षीय बलराम गुरूङ, इटहरी २ का ३९ वर्षीय सुवास लिम्बु, इटहरी ३ का ३० वर्षीय मचिन राई, इटहरी ४ का २१ वर्षीय गोलमोल राई, १९ वर्षीय रोमन परियार र २१ वर्षीय मनोज परियार रहेको प्रहरीले जनाएको छ ।
गत जेष्ठ १२ गते राति मोरङको सुन्दरहरैचा ४ बस्ने मदनकुमार चौधरीको नाममा रहेको प्र १- ०५- ००१ प – ००६१ नम्बरको रातो कलरको २०० सिसिको एनएस मोटरसाईकल घरबाटै चोरी भए पश्चात इलाका प्रहरी कार्यालय बेलबारीले सुक्ष्म रुपमा अनुसन्धान तथा खोजी थालेको थियो ।
खोजतालसको क्रममा प्रहरीले गत जेष्ठ २१ गते चोरी भएको मोटरसाईकल राजेश मेहताको घरबाट फेला पारी मेहतासहित मोटरसाईकल नियन्त्रणमा लिएको हो । मेहता पक्राउ परे पश्चात चोरीमा संलग्न बाँकी ६ जनालाई आ(आफ्नै घरबाट पक्राउ गरिएको प्रहरीले जनाएको छ । प्रहरीका अनुसार थप अनुसन्धान भइरहेको छ ।
