ओखलढुंगा । लडेर पानीमा डुब्दा ओखलढुङगामा सोमबार एक युवकको मृत्यु भएको छ । जिल्लाको मोलुङ गाउँपालिका ७ का २५ वर्षीय रबिन अधिकारीको लडेर पानीमा डुबी मृत्यु भएको हो ।
सोमबार बेलुका ४ बजे अधिकारी साथीहरुसँग सोही स्थानमा रहेको मोलुङ खोलाबाट माछा मारी घर फर्कने क्रममा मोलुङ गरही सिंचाइ कुलोको डिलबाट लडेका थिए । डिलबाट लडेर कुलाको पानीमा डुबी मृत्यु भएको भन्ने जानकारी प्राप्त भए लगतै प्रहरी चौकी प्राप्चा र इलाका प्रहरी कार्यालय बरुणेश्वरबाट प्रहरी टोली घटनास्थलमा गएको थियो ।
घटनाका सम्बन्धमा थप अनुसन्धान भइरहेको प्रहरीले जनाएको छ ।
