बराहक्षेत्र । सुनसरीको बराहक्षेत्र नगरपालिकाको कृषि शाखाले बराहक्षेत्रका किसानहरुलाई विभिन्न १२ जातका धानको बीउ वितरण गरेको छ।
बराहक्षेत्रका अधिकांश मानिसहरु कृषि पेसामा आधारित रहेका छन् । यहाँका किसानले धान उत्पादन वृद्धि गर्न महँगो दरमा धानको बीउ खरिद गर्दै आएका थिए । वालि विकास तथा जैविक विविधता संरक्षण केन्द्रको उन्नत धानको वीउमा अनुदान कार्यक्रम मार्फत किसानहरुलाई बराहक्षेत्र नगरपालिका कृषि विकास शाखाको २०७७/७८ सालको अनुदान बजेट बाट किसानहरुलाई ५० प्रतिशात अनुदानमा उक्त धानको बीउ बितरण गरेको कृषि शाखा प्रमुख तुलसा लिम्बूले बताइन् ।
कृषि विकास शाखामा सशर्त अनुदानित उन्नत धानको वीउमा अनुदान कार्यक्रम अनुसार ६ लाख ७९ हजार रुपैयाँ र कृषकहरुले ५० प्रतिशत गरि १२ लाख रुपैयाँ बराबरको विभिन्न जातको धानको बीउ ल्याएको लिम्बूले बताइन् ।
उनका अनुसार राधा १४, कान्छी मुन्सुली, राम धान, संवरण सव १, सुख्खा ३, बहगुणी २, सावा मन्सुली सव १, मन्सुली, रातो बास्मती, कालो बासमती, मिथिला गरि १२ जातको धानको बीउ १७ हजार ८५४ के.जि. बीउ कृषकहरुलाई बितरण गरिएको छ ।
कृषि शाखाका नीरकुमार राईका अनुसार बराहक्षेत्र नगरपालिका भरी ६ सय जना किसानलाई १७ हजार ८ सय ५४ केजि विभिन्न जातको धानको बिउ वितरण गरिएकाे छ । नगरपालिकाले गत १ जेष्ठदेखि बीउ बितरण गर्न सुरु गरेकाे थियो।
