सुनसरी । साझा सवालका लागि साझा मञ्च (कोकन) सुनसरीले ५ दर्जन भन्दा बढी बालबालिकाहरुको परिवारलाई खाद्यान्न र स्वास्थ्य सुरक्षाका सामग्री हस्तान्तरण गरेको छ ।
प्लान इन्टरनेशनल नेपालको सहयोगमा कोकनले कोभिड १९ बाट प्रभावित भएका र जोखिममा रहेका ६९ बालबालिकाका परिवारलाई खाद्य सामाग्रीसहित स्वास्थ्य सुरक्षाका सामग्री उपलब्ध गराएको हो ।
कोकनले हरिनगरमा १४, देवानगञ्जमा १, बर्जुमा १७, गढीमा–४ दुहबीमा १ र रामधुनीमा ३२ गरी ६९ जना जोखिममा रहेका बालबालिकाका परिवारलाई खाद्यान्न सामग्री उपलब्ध गराएको कोकनकी अध्यक्ष मञ्जिता उपाध्यायले बताइन् । उनका अनुसार चामल ५० केजी, अण्डा १ क्यारेट, पिठो ५ केजी, दाल ६ केजी, चना ३ केजी, सोयाबिन आधा केजी, तोरीको तेल ५ लिटर, चिनी ३ केजी, चियापत्ति आधा केजी, नुन २ केजी, नुहाउने साबुन ५ वटा, लुगा धुने साबुन ५ वटा, सरफ १ केजी, दन्तमन्जन १ थान, सेनिटरी प्याड ३ प्याकेट, सर्जिकल मास्क २ प्याकेट, सेनिटाइजर १ लिटर लगायतका खाध्यान्नसहितको स्वास्थ्य सुरक्षाका सामग्रीहरु हस्तान्तरण गरिएको हो ।
महिला, बालबालिका र सिमान्तकृत समुदायको हकअधिकारको क्षेत्रमा लामो समयदेखि काम गर्दै आएको कोकनले जोखिममा रहेका बालबालिकाको तथ्याङ्क संकलन गरी सुनसरीका चार गाउँपालिका र दुई नगरपालिकाका ६९ घर परिवारलाई खाद्यान्न र स्वास्थ्य सुरक्षाका सामग्री उपलब्ध गराएको कार्यक्रम संयोजक हेमन्तराज पौडेलले बताए । उनका अनुसार कोरोना संक्रमणबाट बच्नका लागि मास्कको प्रयोग गर्न, सेनिटाइजरको प्रयोग, सामाजिक दुरी कायम र समय–समयमा साबुन पानीले हात धुन पनि आग्रह गरिएको थियो ।
