बराहक्षेत्र । सुनसरीको बराहक्षेत्र नगरपालिका ५ कालाबञ्जारबाट तास खेलिरहेका ४ जनालाई नगदसहित पक्राउ गरिएको छ । जिल्ला प्रहरी कार्यालय सुनसरीको टोलीले बिहीबार उनीहरुलाई पक्राउ गरेको हो ।
प्रवक्ता तथा प्रहरी नायव उपरीक्षक नरेन्द्र कार्कीले अनुसार कालाबन्जर स्थित द फायर एण्ड पुल हाउस (स्नुकर हाउस)मा तास खेलिरहेको भन्ने सूचनाका आधारमा छापा मार्दा नगद एक लाख ४४ हजार ४९५ सहित चारजना पक्राउ परेका हुन् ।
पक्राउ पर्नेहरूमा बराक्षेत्र नगरपालिका ५ का ३४ वर्षीय शम्भु खड्का, २४ वर्षीय नारायण कार्की, ४२ वर्षीय गुरू धमला र ४ नम्बर वडाका २७ वर्षीय गिरिजा धामी रहेको पवक्ता कार्कीले जानकारी दिए । अन्य ८ जनालाई भने सोधपुछका लागि पक्राउ गरिएको कार्कीले बताए ।
पक्राउ परेका चारै जना उपर मुलुकीअपराध संहिता ऐन २०७४ को परिच्छेद ५ को दफा १२५ बमोजिम सात दिनको म्याद थप गरी कारबाही प्रकृया अघि बढाइएको कार्यालयले जनाएको छ ।
