ढल्केबरमा स्थानिय युवा व्यवसायी अनिल साहले १६ करोड खर्च गरेर २६ वटा एयरकण्डिसन सहितका कोठा भएको आधुनिक होटल संचालनमा ल्याएका छन् । पूर्व पश्चिम यात्रा गर्नेहरुका लागि पहिले ढल्केबरमा सुविधा सम्पन्न होटल नपाउँदा धेरैले रात विताउन समस्या भोग्नुपर्ने अवस्थालाई मध्यनजर गर्दै उनले सो होटल सञ्चालनमा ल्याएका हुन् ।
उनले भ्रमण बर्ष २०२० लाई लक्ष्य गरेर होटल संचालन गर्ने योजना बनाएका थिए । तर, लकडाउनले केही बिलम्ब भएपनि अहिले होटल संचालनमा आएको छ । औपचारिक उद्घाटन नभएपनि उनले होटल संचालनमा रहेको जानकारी दिए ।
खासगरि व्यापार, जागिर, धार्मिक पर्यटकलाई लक्ष्य गरेर होटलमा लगानी गरेको सञ्चालक साहले बताए । पेशागत रुपमा उनी सीए भएपनि व्यापार र व्यवसायमा समेत आफुलाई संलग्न गराएका छन् । बाबु सामान्य किसान भएपनि तीन दाजुभाई भने पढाईसंगगै व्यवसायमा लागेका हुन् ।
हार्डवेयर र लुब्रिकेन्टको व्यवसायबाट हस्पिटालिटि तिर उनीहरुले हात अघि बढाएका हुन् । धनुषाको जनकपुर, संघीय राजधानी जानेबाटो र पूर्वबाट पनि जोडिने स्थान ढल्केबर पछिल्लो समय सुविधा सम्पन्न बजारका रुपमा विकसित हुँदै गएको छ । लामो यात्राबाट आएका यात्रुहरुको बिसौनी मात्र नभएर अहिले व्यापारिक केन्द्रका रुपमा विकासित हुदै गएको ढल्केबरमा मध्यम आम्दानी भएको मानिस एक दुईरात बस्ने ठाउँ नहुँदा निकै समस्या रहेको बुझेर नै साहले होटलमा लगानी गरेका हुन् ।
कोरोनाको दोश्रो लहरको मार खेपेका उनले पछिल्लो समय होटल संचालनमा दैनिक रुपमा आउने ग्राहकहरुका कारण उत्साहित बनेका छन् । परिस्थिति सामान्य हुँदा होटल राम्रै चल्छ भन्नेमा ढुक्क रहेको उनले बताए । कोरोनाको लहर केही शान्त भएपछि भब्य रुपमा उद्घाटन गर्ने सोचमा रहेको उनको भनाइ छ ।
यस्तो छ कोठा र खानाको मूल्य
सात तलाको कोमल होटलमा १२ वटा डिलक्स रुम, ८ वटा स्वीट रुम र ६ वटा स्टैण्र्ड लेवलका कोठाहरु छन् । रुमको ४ हजार, तीन हजार र २५ सय गरि तिन श्रेणीमा विभाजन गरेपनि पाइने सुविधामा कुनैमा कमी नरहेको उनले बताए । होटलमा ग्राउण्ड र रुफटफमा समेत रेष्टुरेन्ट र बार छ । दुई सय जनाको ग्राउण्ड फ्लोर व्याङकेट छ भने रुफटपमा समेत ७० जना अट्ने व्याङकेट छ ।
खानामा नेपाली र इण्डियन फुडपाइने उनको रेष्टुरामा नेपाली खाना मासुसहित ५ सय ५० र सादा खाना ३ सय ५० रहेको छ । परिवार लिएर घुम्न आउनेका लागि पनि विषेश सुविधा रहेको उनको होटलमा विवाह पार्र्टी तथा सेमिनारका लागि समेत राम्रो व्यवस्था रहेको छ ।
#advt
