बराहक्षेत्र । सुनसरीकाे बराहक्षेत्र नगरपालिका वडा नम्बर ५ मा रहेको भरौल खानेपानी तथा सरसफाई उपभोक्ता समितिलाई साबिक भरौलका ३, ४ र ५ वडा नेकपा एमाले कमिटीले ज्ञापनपत्र बुझाएको छ ।
साबिक भरौलमा रहेका ३ वटा वडाको नेकपा एमालेका वडा कमिटीहरुले संयुक्त रूपमा खानेपानी समितिका अध्यक्ष पुस्प बस्नेतलाई ज्ञापनपत्र बुझाएको बराहक्षेत्र वडा ३ का वडा अध्यक्ष रुद्र दाहालले बताए ।
यता नेकपा एमाले वडा नम्बर ३, ४ र ५ कमिटीले आफ्नो बैठकबाट निर्णय गरे बमोजिम समितिलाई ज्ञापनपत्र बुझाउनुपर्ने अवस्था आएको वडा नम्बर ५ का वडा सदस्य टेकबहादुर गौतमले बताए ।
गौतमका अनुसार यस समितिले स्थापना कालदेखि अहिलेसम्म १२ वर्षसम्म आइपुग्दा समेत एक वर्र्ष भित्रको हरेक आय ब्यय जनता सामु सार्वजनिक गर्नु पर्नेमा यस समितिले गरेको हरहिसाब सार्वजनिक नगरेको, सामाजिक परीक्षण नगरेको पाइएपछि ध्यानाकर्षण गर्न ज्ञापन पत्र बुझाएको हो । नेकपा एमाले साबिक भरौल ३,४ र ५ वडा कमिटी जनप्रतिनिधि जिल्ला सदस्य, वडा सदस्य लगायतको संयुक्त टोलिको गम्भीर ध्यानाकर्षण भएको हुँदा चाँडै पारदर्र्शी ढंगबाट लेखापरीक्षण गरि साधारणसभा गर्न नेकपा कमिटी जोडदार माग गर्दछ । विज्ञप्तीमा उल्लेख गरिएको छ ।
उता उपभोक्ता समितिका अध्यक्ष बस्नेतले रहेक वर्ष लेखापरीक्षण गर्दै आएको बताए । लेखापरीक्षण गरेपनी हामीले साधारणसभा गर्न खोजेको थियौं, उनले भने, तर विविध कारणले हामीले गर्न नसकेकोमा हाम्रो कमिकम्जोरी भएको हुन सक्छ ।
सम्पुर्ण काम पुरा भएपछि ढिलोमा मंसिर पुससम्म पर्खिदिन उनले आग्रह गरेका छन् । अहिले साबिक भरौल ९ वडालाई खानेपानी पुगाउन एउटामात्र पानी ट्याङ्कीले मात्र नपुग्ने भएकाले अर्र्को ट्याङ्कि अमाह सामुदायिक वनमा निर्माण गर्न सबै कागजात बनाइ सकेको उनले जानकारी दिए । उनले सो फाइल फायललाई चाँडै कार्यान्वयन गर्न सरोकारवालाहरुको टोली काठमाडौं समेत जाने तयारी रहेको बताए ।
यता समितिका सचिव जगत कार्कीले भने केही दिन भित्रबाट २०७७र७८ को लेखापरीक्षण हुने भएकोले भदौ भित्र गत वर्षको लेखापरीक्षण विभिन्न पार्टीका प्रतिनिधि र पत्रकारहरुको उपस्थितीमा सार्वजनिक गर्ने बताए ।
२०६५ सालमा विभिन्न राजनीतिक पार्टीबाट छनोट गरि समिति चयन भएका समितिले २०६७ सालदेखि निर्माण कार्य सुरु गरिएको थियो ।
