नेसुनसरी । नेपाल वैश्य युवा संघ प्रदेश नं. १ ले शुभकामना आदानप्रदान कार्यक्रम गर्ने भएको छ । संघले शुभ दिपावली तथा छठपर्वको अवसरमा आगामी शनिबार इनरूवा स्थित सत्यनारायण मन्दिरको सभाहलमा सो कार्यक्रम गर्ने भएको हो ।
वैश्य युवा संघका जिल्ला इन्चार्ज त्रिलोकनाथ गुप्ताका अनुसार कार्यक्रममा शुभकामना आदान प्रदानका साथै वैश्य समाजको भूमिका सम्बन्धि बृहत बिचार गोष्ठी समेत हुनेछ ।
कार्यक्रममा पाँच हजार भन्दा बढीको उपस्थिति हुने अनुमान गरिएको आयोजकले जनाएको छ । राष्ट्रिय जनगणनामा वैश्य समुदायलाई एउटा कलष्टरको रुपमा लिनुपर्ने नेपाल वैश्य युवा संघको धारणा रहेको छ।
नेपालमा वैश्य समुदायको जातीहरुमा ३६ वटा जातीहरु पर्दछन् । 
