झापा । झापाको शिवसताक्षी नगरपालिका १ मा बसको ठक्करबाट एक जनाको मृत्यु भएको छ । बुधबार बिहान साढे ७ बजे पूर्वबाट पश्चिमतर्फ जाँदै गरेको प्रदेश १-०२-०४० प ७१४९ नबम्बरको मोटरसाईकललाई बिपरित दिशाबाट आउँदै गरेको को. १ ख ७१८७ नम्बरको बसले ठक्कर दिएको थियो ।
ठक्कर दिइ दुर्घटना हुँदा मोटरसाइकलको पछाडि सवार भोजपुर षडानन्द नगरपालिका ८ का २३ वर्षीय टिचोहाङ राईको घटनास्थलमानै मृत्यु भएको हो ।
ठक्कर दिने बस र चालक मोरङ उर्लाबारी नगरपालिका-२ का ४५ वर्षीय टेक बहादुर पुरीलाई इलाका प्रहरी कार्यालय झिलझिलेले नियन्त्रणमा लिइ घटना सम्बन्धमा थप अनुसन्धान गरीरहेको छ ।
