रामधुनी । सुनसरीको रामधुनी नगरपालिका ६ मा छुरा प्रहार गरी हत्या गरेको आरोपमा एक बालकलाई प्रहरीले पक्राउ गरेको छ । रामधुनी ६ सुवानाका १६ वर्षीय बालकलाई छुरा प्रहार गरी हत्या गरेको आरोपमा स्थानीय १७ बर्षीय एक बालकलाई मंगलबार बिहान प्रहरीले पक्राउ गरेको हो ।
बिहान सवा ७ बजेको समयमा घरैमा सुतिरहेका चन्द्र सदाको १६ वर्षीय छोरा बिबेक सदालाई १७ वर्षीय बालकले सुतिरहेकै स्थानमा गई पेटमा छुरा प्रहार गरी घाइते बनाएका थिए । घाइते बनाएको भन्ने खबर प्राप्त भएसंगै इलाका प्रहरी कार्यालय पकलीबाट प्रहरी टोली खटि गई घाइतेलाई उपचारको लागि बिपी कोइराला स्वास्थ्य बिज्ञान प्रतिष्ठान धरान पठाइएकोमा उपचारको क्रममा बिहान ८ बजे मृत्यु भएको हो ।
घटनामा संग्लग्न रहेका बालकलाई घटनामा प्रयोग भएको छुरासहित पक्राउ गरी थप अनुसन्धान भइरहेको इलाका प्रहरी कार्यालय पकलीले जनाएको छ ।
