इटहरी । राष्ट्रिय बौद्धिक जागरण मञ्च इटहरीले शनिबार इटहरी बजार क्षेत्रमा सरसफाइ कार्यक्रम सम्पन्न गरेको छ । कुसे औंसी र तीव पर्वको अवसरमा संस्थाले नेपाल आयुर्बेद औषधी संघ र पातञ्जली योग समितिको सहकार्यमा सरसफाइ कार्यक्रम गरेको हो ।
सरसफाई कार्यक्रम अभियानको रुपमा सुरु भएको संस्थाकी सहसंयोजक तथा सो कार्यक्रमकी संयोजक गोमा उप्रेतीले बताइन् । नगर सफा राख्ने काम सरकारको मात्र नभई नगरबासीको समेत दायित्व हो भन्ने मान्यतालाई स्थापित गर्न अभियान सुरुवात गरिएको उनको भनाई छ ।
सरसफाई कार्यक्रममा मञ्चका केन्द्रीय अध्यक्ष खगेन्द्र श्रेष्ठ, संस्थाका बरिस्ठ समाजसेवी पदम अधिकारी, संस्थाका पदाधिकारीलगायतको उपस्थिती रहेको थियो । सरसफाई कार्यक्रम प्रत्येक शनिबार बिहान गरिने संस्थाले जनाएको छ ।
